Deputeti i Partisë së Lirisë, Petrit Vasili, ka reaguar pas publikimit të dhënave për cilësinë e jetesës në Tiranë. Teksa i referohet sistemit Numbeo, Vasili thotë se të gjitha të dhënat tregojnë se cilësia e jetës në kryeqytet sa vjen dhe përkeqësohet. Sipas Numbeo, Tirana ka vijuar të përkeqësojë renditjen si kryeqyteti me cilësinë më të keqe për të jetuar në Europë edhe gjatë këtij viti, sistemi më i madh i të dhënave për koston dhe cilësinë e jetesës, ndërsa është ndër të fundit në botë. Në renditjen aktuale, Tirana ishte e 232 nga 254 kryeqytete e qytete, ndërsa një vit më parë, në mesin e 2021-it ishte në pozicionin e 215.
Duke qëndruar në të njëjtën linjë, Vasili shkruan se betonizimi kriminal me kulla, rrëmbimi i pronave, vjedhja me inceneratoret kanë shkatërruar Tiranën.
Reagimi i Petrit Vasilit
Kur drejtimin e Tiranës e rrëmbejnë hajdutet dhe llafazanet ajo vetëm rrënohet!
Te gjithe treguesit e Tiranes, qe lidhen me cilësine e jetesës përkeqësohen çdo dite keq e me keq dhe Tirana eshte kryeqyteti i fundit ne Europe per cilesine e jetes.
Klasifikimi i NUMBEO sistemi më i madh i të dhënave për koston dhe cilësinë e jetesës jep te dhenat tronditese, qe faktojne gjendjen katastrofike te Tiranes.
⬛️ Në renditjen aktuale Tirana ishte e 232-a nga 254 kryeqytete e qytete.
⬛️ Tirana brenda nje viti ka rene plot 17 vende nga një vit më pare, në mesin e 2021-it ishte në pozicionin e 215 ndersa sot eshte ne vendin e 232.
⬛️ Për Indeksin e Ndotjes, Tirana është në vendin e 242, më e ndotura në Europë dhe ndër të fundit në botë.
⬛️ Në Indeksin e Kujdesit Shëndetësor, Tirana është në vendin e 246, e fundit në Europë
⬛️ Por, në indeksin e fuqisë blerëse Tirana është në vendin e 231 nder te fundit.
⬛️ Në indeksin e trafikut, Tirana është në vendin e 181 nga 254 qytetet që kanë më shumë trafik.
Betonizimi kriminal me kulla, rrembimi i pronave, vjedhja me inceneratoret shkaterruan Tiranen.
Kur Tirana drejtohet nga hajdute dhe llafazane qe vetem grabisin dhe llomotisin ajo vetem shkaterrohet duke ju nxire perdite jeten qytetareve te saj.
