Vasili: 10 atentatet që vranë reformën në drejtësi

Në tre vjetorin e miratimit të ndryshimeve kushtetuese të Reformës në Drejtësi, nënkryetari i LSI-së Petrit Vasili, shprehet se kjo reformë është vrarë nga Rilindja.

Përmes një statusi në Facebook, Vasili liston 10 ‘atentate’ të cilat sipas tij ‘vranë’ këtë reformë, teksa kritikon KLGJ-në dhe KLP-në se janë mbushur me njerëz pa integritet, spiunë dhe falsifikatorë,

Postimi i plotë:

10 atentatet e rilindjes, që vranë reformën në drejtësi!

1. 1. Ndryshimet kushtetuese të 21-22 korrikut u dhunuan të gjitha.
   2. KLGJ dhe KLP e mbushur me njerëz pa integritet nga fallsifikatorë, evazorë e deri në spiunë të sigurimit.
   3. Operacioni Ndërkombëtar i Monitorimit është si yjet që rrijnë e vështrojnë se si integriteti i reformës rrënohet e kapet pa kthim.
   4. Vettingu me dy standarte fakt i pamohueshëm nga këtu deri në Strasburg.
   5. Prokurori i përgjithshëm u kap dhunshëm nga rilindja me 69 vota kur Kushtetuta kërkon minimumi 84.
   6. Këshilli i Emërimeve në Drejtësi u shkatërrua për ta kthyer në vegël në funksion të kapjes së drejtësisë.
   7. Gjykata Kushtetuese u asgjësua për të mbrojtur rilindjen nga ndëshkimi.
   8. Gjykata e Lartë gjithashtu është asgjësuar dhe mbi 32 mijë çështje janë bllokuar atje.
   9. As skandali i Unazës së Re, as dosja 339, as dosja 184 dhe as 30 qershori nuk hetohen por bllokohen me qellim dhe kërkush nga qeveria nuk del përpara drejtesisë, ndërsa qytetarët e vjedhur po.
   10. Më shumë se 63% e shqiptarëve nuk besojnë te kjo reformë.