Kina ka pasur vitet e fundit një zhvillim të madh ekonomik. Por modeli i saj i rritjes, ka shkaktuar jo pak polemika dhe probleme. Rritja e çmimeve dhe ndotja e mjedisit, kanë çuar në disa situata realisht unike për këtë vend. Ja cilat janë disa prej tyre:
Bizneset vendosin rrjeta teli anash dritareve, për të parandaluar vetëvrasjen e punonjësve
Kompania kineze “Foxconn”, bëri bujë në media, kur vendosi rrjeta teli jashtë godinave të saj, dhe punësoi psikologë për të parandaluar vetëvrasjet e punonjësve.
Zjarrfikësit janë në gatishmëri për të parandaluar vetë-djegiet në rrugë
Vetëvrasja përmes vetë-djegies, është një formë shumë e njohur proteste. Para dhe gjatë tranzicionit të udhëheqjes kineze në vitin 2012, qeveria pozicionoi dhjetëra zjarrfikës në Sheshin Tiananmen në Pekin, për të parandaluar vetë-djegiet.
Veç arit, Kina përdor mishin e derrit si rezervë kombëtare
Kina ia kaluar SHBA-së, duke u bërë konsumatorja më e madhe në botë e mishit të derrit. Për këtë arsye, vendi ka një rezervë kombëtare të mishit të derrit, të cilën e përdor sa herë që rriten çmimet.
Grabitësit e varreve, vjedhin dhe i shesin kufomat për “martesa fantazmë”
“Martesat fantazmë”, zhvillohen tradicionalisht për të rinjtë, që vdiqën përpara se të mund të martoheshin. Por 4 burra vendosën të shisnin 10 kufoma pa pëlqimin e ndonjërit prej familjeve, duke futur në xhepat e tyre 240.000 juanë (39.000 mijë dollarë).
Bashkitë dhe komunat sponsorizojnë varrosjet në det
Çmimet e tokës në Kinë janë rritur ndjeshëm, duke i bërë shumë të shtrenjta funeralet. Në këto kushte, pushteti lokal u jep para familjarëve që pranojnë të shpërndajnë në det hirin e të afërmve të tyre të ndjerë. Në Provincën e Guangzhu pagesa është 160 dollarë, ndërsa familjeve në Uenzhu u ofrohen deri në 1.290 dollarë.
Ka kudo dyqane të rreme të kompanive të mëdha perëndimore
Ndërsa qytetet kineze po zhvillohen shumë në mbarë vendin, dyqanet e rreme të kompanive të mëdha perëndimore të teknologjisë, janë bërë gjithnjë e më të përhapura. Dyqani më i famshëm i rreme është ai Apple në Kunming, në jug të Kinës.
Njerëzit ndërtojnë vila mbi taracën e apartamenteve
Toka ka një çmim të kripur në Kinë, sidomos në qytetet e mëdha. Shumë të pasur kanë ndërtuar resortet e tyre private mbi tarracat e pallateve të banimit. Ndërsa disa prej tyre janë gjobitur, shumë të tjera janë urdhëruar që të prishen.
Çiftet divorcohen, për të shmangur pagesës e taksës së pronës
Qeveria kineze ka futur një taksë 20 përqind të fitimit nga shitjet e shtëpive. Por çiftet që kanë më shumë se një shtëpi, divorcohen enkas në gjykatë, duke marrë secili vetëm nga një shtëpi. Më pas ata e shesin njërën prej shtëpive pa e paguar taksën, duke përfituar kësisoj nga boshllëqet e ligjit.
Njerëzit arrestohen, nëse përhapin thashetheme mbi fundin e botës
Të paktën 93 persona u arrestuan në Kinë, për përhapjen e thashethemeve për Apokalipsin e parashikuar nga fisi Maja. Madje një kinez harxhoi të gjitha kursimet e jetës së tij, për të ndërtuar një varkë të madhe si ajo e Noes, për t’i mbijetuar Apokalipsit.
“Gjuetarët e dashurisë”, kërkojnë gra në qendrat tregtare
Jang Jing, drejtues e “Diamond Love and Marriage”, kërkon gra dhe ndonjëherë edhe burra në qendrat tregtare. Kinezët e pasur, paguajnë dhjetëra ose qindra mijëra dollarë për “gjuetarët e dashurisë” si Jing, për të gjetur “bashkëshortin e tyre ideal”.
Smogu është aq i madh, sa që mund të shihet që lart nga hapësira
Industrializimi i shpejtë, ka shkaktuar probleme të rënda me ndotjen në të gjithë Kinën. Kohët e fundit smogu në qytetet e mëdha u bë aq i dendur, saqë NASA konfirmoi se ai duket që nga lart në hapësirë.
Qumështi është shpesh i infektuar me melaminë
Industria e qumështit në Kinë, është goditur shpesh nga skandalet e ndotjes së qumështit. Në vitin 2008, u zbulua se produktet e qumështit që konsumohen në masë nga fëmijët e vegjël përmbajnë gjithçka, nga mërkuri deri tek melamina.
Për shkak të ndotjes së madhe, shumë lumenj kanë marrë ngjyrën e kuqe
Derdhja e shumë elementëve kimike nëpër lumenj, ka bërë që shumë prej tyre të marrin ngjyrën e kuqe.
Urat shemben brenda disa muajsh nga ndërtimi
Duke qenë se shpesh shpejtësisë i jepet më shumë prioritet sesa cilësisë së ndërtimit, veprat e mëdha infrastrukturore shemben shpesh edhe pa ndonjë shkak të jashtëm. Kështu 1 person gjeti vdekjen dhe 22 të tjerë u plagosën, kur Ura Vujishan Gong u rrëzua në provincën Fuxhian.
Qytete të reja pa asnjë banor, ekzistojnë në të gjithë vendin
Rritja ekonomike e orientuar nga investimet në infrastrukturë, ka krijuar dhjetëra qytete fantazmë në të gjithë vendin. Në to janë shpenzuar dhjetëra miliarda dollarë, megjithatë aty banojnë pak ose aspak njerëz.
Mediat vendase dhe të huaja, ndalohen ose censurohen
Kina bllokoi pak kohë më parë portalin amerikan Bloomberg.com, kur ai shkroi një shkrim investigativ mbi pasurinë e familjes së presidentit Xi Jinping.
Të dënuarit me vdekje, pjesë e programeve televizive
“Intervista para ekzekutimit”, ishte një program i njohur televiziv në Kinë. Por “Henan TV”, e pezulloi programin kur zyrtarët kinezë u shqetësuan se ai do të ndikonte keq në imazhin e Kinës jashtë vendit, sidomos pas një dokumentari të BBC-së mbi këtë emision të veçantë.
Veç mjekrës, kinezët ruajnë dhe sytë
Kjo praktikë tradicionale kineze, përfshin përdorimin e briskut për të pastruar sytë. Ajo zbatohet ende sot në shumë pjesë të vendit. I gjithë procesi, zgjat zakonisht vetëm 5 minuta.
TIRANA TODAY
