Një bazë amerikane në Afganistan është sulmuar ashpër mbrëmjen e të mërkurës. Sipas mediave ndërkombëtare kjo është bazat kryesore e ushtrisë amerikane në Afganistan. Nga sulmi kanë mbetur të plagosur mbi 60 persona dhe gjithashtu raportohet edhe për një të vdekur.
Lajmi për sulmin është konfirmuar dhe nga zyrtarë të NATO-s. Ky sulm vjen në një moment të vështirë për pozitat e SHBA-së në Afganistan. Amerikanët po përpiqen të hapin një dritare negociatash me talebanët. Këta të fundit kontrollojnë më shumë territore se kurrë që nga largimi nga pushtetit në 2001.
Nga ana tjetër, ky sulm do t’i forcojë më tepër pozitat e tyre nëse do të ketë tavolinë negociatash, shprehen analistët e ndryshëm në SHBA.
Wahida Shahkar, zëdhënëse e guvernatorit të provincës Parwan, ku ndodhën shpërthimet, tha se mes forcave të huaja dhe sulmuesve u zhvilluan luftime që zgjatën 30 minuta.
