Ministri në detyrë i Shëndetësisë, Armend Zemaj, tha ditën e sotme se tre mostra kanë rezultuar pozitive në variantin britanik të koronavirusit në Kosovë. Ai informoi se 30 mostra janë dërguar për analizim në një laborator në Gjermani.
“Nga 35 mostra që i kemi dërguar, 3 prej tyre kanë rezultuar pozitivë”, u shpreh Zemaj gjatë një konference për mediat.
Aktualisht Kosova ka pezulluar të gjitha fluturimet drejt Britanisë së Madhe, shtet në të cilin ky variant u zbulua për herë të parë në shtator të vitit 2020.
Ky variant është thënë se është më përhapës dhe më vdekjeprurës sesa versioni fillestar i virusit që shkakton sëmundjen COVID-19.
Sipas hulumtimeve më të fundit, mendohet se ky variant mund të jetë 30% më vdekjeprurës dhe 70% më ngjitës.
Organizata Botërore të Shëndetësisë, (OBSH) bëri me dije se varianti britanik i COVID-19 është përhapur në 70 shtete në të gjithë botën.
