Komisioneri për Zgjerimin dhe Fqinjësi në BE Oliver Varhelyi, në një intervistë për median gjermane ‘Zeitung’, ka folur për prosecin e integrimit në Union.
Varhelyi u ndal te Shqipëria, dhe Maqedonia e Veriut, ku tha se të dyja vendet kanë bërë përpjekje të mëdha për të çelur negociatat për anëtarësim.
Sipas tij, nuk ishin të lehta fillimet e negociatave me Shqipërinë, por BE e bëri atë.
Pjesë nga intervista
Për një kohë të gjatë, mbizotëron pikëpamja se një vend që është një kandidat për anëtarësim në BE ose madje është duke zhvilluar negociata të anëtarësimit po bën përparim demokratik vetëm përmes kësaj. Por a është ende kështu?
Oliver Varhelyi: ”Duhet të jetë zgjedhja serioze e një vendi për t’u bashkuar me BE. Kjo është e mundur vetëm me reforma reale në vendet kandidate, të cilat ata gjithashtu i dinë. Kjo është treguar kohët e fundit nga përpjekjet e mëdha që Maqedonia e Veriut dhe Shqipëria kanë bërë vetëm për të qenë në gjendje të fillojnë negociatat e pranimit.’’
Krerët e qeverive në rajon, si Edi Rama i Shqipërisë e mohojnë atë. Rama thotë se thjesht nuk është e vërtetë që suksesi i një vendi në lëvizjen më pranë BE varet vetëm nga reformat e tij.
Oliver Varhelyi: ”Kështu është. Nuk ishte e lehtë të fillonim negociatat e pranimit me Shqipërinë, por ne e bëmë atë.’’
