Vangjush Dako nuk ka ndërmend t’i ndahet Lulzim Bashës. Duket se një vizitë e Bashës në Durrës, ku zhvilloi një takim me banorët e Manzës, e ka irrituar keq Dakon, i cili vijon ta quajë kryedemokratin “toç të Saliut”.
Me gjuhën e papërmbajtur, kryebashkiaku i Durrësit i kujton Bashës gjyqin, ndërsa e ironizon duke i thënë “të flejë gjumë tek vaska e peshkut ku e rrit Saliu me kunatin”.
Reagimi i plotë:
O Lulzim o toçi i Saliut! Po si mund të vish në Durrës si ata fuksat e viteve 80 me pantallona doku dhe gjuhën si peshk rezervati? Është e thjeshtë se ti je një peshk rezervati dhe më e shumta mund të të hajë Salianji se Saliu s’bëhet llaf.. Po ato që përsërite prapë si skapamento e prishur ishalla s’do ti kesh harruar kur të vish në gjyqin e radhës. Kurse atë lejen për pistën në det mirë bëre që s’e përmende prapë, se do e kishe ngrënë dyfish padinë për atë! Ik fli gjumë tani tek vaska e peshkut ku të rrit Saliu me Kunatin, se Dakon këtu e ke, në Durrës me telefon në dorë ditë-natë o toç!
Kreu i PD-së tha gjatë takimit me banorët e Manzës se Xhafaj nuk pati guximin të arrestonte kryebashkiakun e Durrësit, Vangjush Dako, për të cilin tha se ka përgjime duke komunikuar me anëtarë të grupeve kriminale.
Po ashtu, gjatë takimit, kryedemokrati komentoi largimin e ish-ministrit, ku tha se Xhafaj u largua i shkatërruar. Ai u shpreh se tentativat e dështuara të tij për të shpëtuar vëllanë e dënuar për drogë, dhanë këtë rezultat.
