Eksperti i shëndetësisë i Partisë Demokratike, Gazment Koduzi ka komentuar deklaratën e Ministrit të Turizmit Blendi Klosi, i cili më therët u shpreh se është ndaluar muzika nëpër lokale, pasi sipas tij ajo ka mundësi që të përçojë koronavirusin.
Koduzi e ka quajtur këtë deklaratë bombastike dhe me ironi ai tha se specialistët e fushës janë bërë gati të djegin diplomat e tyre për shkak të këtij ‘zbulimi’.
“Kam mbetur nga fjalë me deklaratën e zotit Klosi, por nuk është i pari që bën deklarata të tilla bombastike edhe me gafa plot. I treti i radhës pas Ministres së Shëndetësisë dhe Ministres së Financave që thonë se nuk kemi nevojë për testime, sepse janë inefektive. Klosi nxjerrr perlën e radhës për zbulimin e tij. Nuk e di, në mënyrë ironike do të thoja se mjekët dhe specialistët e fushës janë bërë gati që të grisin diplomat e tyre për këtë gjetje që ka bërë zoti Klosi”, u shpreh Koduzi.
Përsa i përket paketës anti-covid që Partia Demokratike ka propozuar, Koduzi tha se ajo është lehtësisht e praktikueshme, pasi shqiptarët paguajnë 58% të shpenzimeve dhe 7,5 milion euro nuk janë asgjë për buxhetin e shtetit.
