Spanja ka shpallur një gjendje të jashtëzakonshme kombëtare dhe ka vendosur një shtetrrethim gjatë natës në një përpjekje për të ndihmuar në kontrollin e Covid-19.
Kryeministri Pedro Sánchez, tha se ora e ndalimit, midis orëve 23:00 dhe 06:00, do të hyjë në fuqi ditën e sotme, shkruan BBC.
Sipas tij, nën masat e urgjencës, autoritetet lokale mund të ndalojnë udhëtimin midis rajoneve.
Sanchez tha se ai do t’i kërkojë parlamentit të miratojë një zgjatje të rregullave të reja nga 15 ditë në gjashtë muaj.
Spanja u godit rëndë gjatë valës së parë të pandemisë në fillim të këtij viti dhe vendosi një bllokim shumë më kufizues, një nga më të ashpërit në botë.
Si shumë vende të tjera evropiane, ajo është goditur nga një valë e dytë e infeksioneve.
