Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend.
Mansatirliu bën me dije, se mbi 300 mijë qytetarë tashmë i kanë kryer të dy dozat e vaksinës, teksa janë kryer mbi 790 mijë vaksinime anticovid në të gjithë vendin.
Ndër të tjera, Manastirliu u shpreh se në qendrat e vaksinimit të përqëndruar dhe në qendrat shëndetësore afër vendbanimit, vijon pa u ndalur programi kombëtar i vaksinimit.
”Në qendrat e vaksinimit të përqëndruar dhe në qendrat shëndetësore afër vendbanimit, vijon pa u ndalur programi kombëtar i vaksinimit. Mbi 300 mijë qytetarë tashmë i kanë kryer të dy dozat e vaksinës, teksa janë kryer mbi 790 mijë vaksinime anticovid në të gjithë vendin’’, shkruan Manastirliu në rrjetin social, Facebook.
Situata epidemiologjike në vendin tonë paraqitet e qëndrueshme, teksa në 24 orët e fundit janë regjistruar 12 raste të reja, nga 2.919 testime të kryera.
Ndërkohë, fatmirësisht nuk është regjistruar asnjë viktimë nga virusi gjatë kësaj periudhe kohore. Po në 24 orët e fundit, janë shëruar edhe 35 pacientë, teksa raste aktive mbeten 323.
Aktualisht, në spitalet COVID po trajtohen 30 pacientë, duke shënuar një ulje të ndjeshme.
