Shumë shkencëtarë, prej muajsh tashmë po bëjnë përpjekje konstante për gjetjen e një vaksine kundër COVID-19, që për hir të së vërtetës është shndërruar në një shqetësim serioz për mbarë njerëzimin.
Ndërkohë lajme të mira vijnë nga Kanadaja!
Kryeministri kanadez Justin Trudeau bëri sot me dije se qeveria e tij ka miratuar testimin e parë të një vaksine potenciale për koronavirus.
Ai theksoi se testimet do të realizohen në Qendrën kanadeze për Vaksionologji në Universitetin Dalhousie.
Trudeau ende s’ka dhënë detaje specifike se kush e ka krijuar vaksinën.
Kryeministri i Kanadasë iu tha qytetarëve se nëse vaksina rezulton efektive dhe e suksesshme, Këshilli Kombëtar për Kërkime do të ndihmojë në prodhim dhe shpërndarje.
Kujtojmë se shteti në fjalë, deri më tani ka raportuar 75,000 raste të prekura me koronavirus dhe 5,595 viktima.
