Këshilli i Emërimeve në Drejtësi, (KED) ka miratuar ditën e sotme procesverbalin e datës 26 nëntor 2020.
Në një njoftim për mediat, KED ka bërë me dije rendin e ditës ku u miratua vendimi për skualifikimin e tre kandidatëve nga gara për Gjykatën Kushtetuese.
Më 26 nëntor, u përjashtuan gjyqtarët Aldona Sylaj, Ardita Bunaj dhe Shaqir Hasanaj që kandidonin për Kushtetuesen.
Sipas KED, kandidatët kanë patur mangësi të një apo disa kushteve të parashikuara nga Kushtetuta dhe ligji.
Ky institucion ka rol kyç në vlerësimin e kritereve profesionale e morale të kandidatëve për anëtarë të Gjykatës Kushtetuese. Ndërkohë, vazhdimisht ambasadorja amerikane, Yuri Kim po përsërit thirrjet për palët që ta bëjnë funksionale Gjykatën Kushtetuese deri më 31 dhjetor.
