Vajza e ish-deputetes Majlinda Bregu, Kejda ka konfirmuar lidhjen me djalin e ish-guvernatorit të Bankës së Shqipërisë, Ardian Fullanit.
Ditën e sotme, nëpër media qarkulloi lajmi se dyshja mund t’i ketë dhënë fund romancës së tyre.
Mirëpo, këto aludime u hodhën poshtë nga Kejda, të cilës iu deshën disa muaj për ta bërë publike lidhjen e saj. Shkak për këtë janë bërë lajmet që u postuan ditën e sotme, ku flitej për një ndarje të mundshme mes çiftit.
Në njërën prej fotove që ka shpërndarë në “Instastory”, Kejda shfaqet e qeshur pranë të dashurit të saj, Erikut.
“P.s:Hera e fundit që adresoj diçka që kam zgjedhur të mbaj private. Para se të postoni lajme çfarëdo qofshin, sigurohuni që të jenë të vërteta”, sqaron Kejda.
