Fëmijët i pyesim shpesh se çfarë do tё bëhen kur tё rriten dhe ata na rrёfejnё gjithmonё dёshirat e tyre tё zjarrta.
Por kur njё fёmijё ёshtё i prekur nga kanceri i pashёrueshёm, tё gjithё pёrpiqen qё t’i realizojnё disi ёndrrat e tyre. I tillё ёshtё rasti i njё vajzë 6-vjeçare nga Teksasi.
Ajo i thoshte gjithmonë prindërve se ёndёrronte të bëhej një oficere policie. Me tё dëgjuar kёtё dёshirё, Departamenti i Policisë “Freeport” vendosi ta bënte atë një oficere nderi.
“Cbsnews” shkruan se vajza e vogёl, Abigal Arias ka një tumor të tipit Wilms-it i mbështjellë rreth aortës së saj.
“Ne jemi të fortë në besimin tonë“, tha babai i saj. “Ne besojmë në Zot. Mjekët mund të thonë atë që thonë në bazë të njohurive për mjekësinë, por ne e dimë se Perëndia është ai që ka në dorë fatin e saj”.
Abigail mendoi një mënyrë të mirë për të luftuar ata që ajo e quan “të këqijtë” në trupin e saj të cilët po e sëmurin. Ajo donte t’i luftonte “të këqijtë”(qelizat kancerogjene) duke u bërë një oficer policie.
6-vjeçarja u takua për herë të parë me shefin e policisë, Ray Garivey në dhjetor dhe i tha atij për ëndrrën e saj për t’u bërë police. “Ne do të sigurohemi që kjo të ndodhë,” i tha oficeri Garivey.
Departamenti thirri Abigail të betohet si një oficere nderi të enjten, nën një kusht; Garivey i kërkoi Abigail të bëjë një premtim në betimin e saj. “Unë tani dhe përgjithmonë premtoj të vazhdoj të luftoj me të ‘këqijtë’ derisa të gjitha kanceret e mia të jenë zhdukur“, tha ajo. Përshtati TIRANA TODAY
