Mbyllen ndeshjet e mbrëmjes së sotme në Ligën e Kampioneve. Ferencvaroshi i Myrto Uzunit, ishte pranë një barazimi historik ndaj Juventusit në Torino, por porteri i ekipit hungarez gaboi në fund të ndeshjes duke lejuar Alvaro Moratën të shënojë.
Një mbrëmje e madhe për futbollistin e Shqipërisë, i cili shënoi ndaj kampionëve të Italisë, duke e bërë “Zonjën e Vjetër” të vuajë për fitore për 90 minuta.
Nuk falin Mançester Junajtid, Barcelona, PSG-ja dhe Borusia Dortmund. “Djajtë e Kuq” hakmerren ndaj Bashakshehirit 4-1 për humbjen turpëruese në Turqi. Barcelona nuk vuan dhe mposht pa yjet Dinamo Kievin në Ukrainë 0-4. Borusia Dortmundi likujdoi me Halandin dhe Sançon kampionët belg të Klub Bryzhit.
Nënkampionët e Europës PSG-ja u mjaftuan me një penallti ndaj Salzburgut.
Rezultatet e ndeshjeve të sotme
JUVENTUS-FERENCVAROSH 2-1
Ronaldo 35′, Morata 90’/ Uzuni 19′
LACIO-ZENIT 3-1
Imobile 3′,55′ (p) Parolo 22’/ Dziuba 25′
PSG- LEIPZIG 1-0
Nejmar 10′
DINAMO KIEV-BARCELONA 0-4
Dest 52′, Breithueit 57′, 70′ (p), Grizman 90′
BORUSIA DORTMUND-KLUB BRYZH 3-0
Haland 18′, 60′, Sanço 45′
MANÇESTER JUNAJTID-BASHAKSHEHIR 4-1
B.Fernandes 7′, 19′, Rashford 35′ (p), Xhejms 90’/ Turuç 75′
