Dhoma Kombëtare e Zvicrës vendosi sot zgjatjen e mandatit të trupave zvicerane deri në fund të viti 2020 në Kosovë.
Më parë një vendim për zgjatjen e qëndrimit të trupave zvicerane në Kosovë (Swisscoy) kishte marrë Dhoma e Kantoneve, ndërsa sot vendimin e mori edhe Dhoma Nacionale.
Prej të pranishmëve 100 deputetë votuan pro, 76 kundër dhe një abstenim. Ata e arsyetuan vendimin pro se “gjendja në Kosovë është akoma mjaft e brishtë dhe kështu nuk janë plotësuar kushtet për tërheqje.”
Përherë të parë bëhen “bashkë” partia populliste SVP/UDC dhe partia liberale të Gjelbrit me mocionet e tyre të cilat kishin kërkuar që Sëisscoy të tërhiqej nga Kosova deri në fund të vitit 2020.
Ajo që bie në sy është zvogëlimi i trupave zvicerane nga 235 në 165 ushtarë. Nga 1999 në Kosovë kanë shërbyer 5000 ushtarë zvicerane me shpenzime deri në 700 milion euro./Bota Sot/
