Një artikull i gazetës amerikane ‘The Atlantic’ ku kritikonte një deklaratë të presidentit Trump ka bërë bujë në të gjithë vendin.
Sipas këtij artikulli, presidenti Donald Trump i ka quajtur ‘idiotë’ veteranët e rënë gjatë Luftës së Dytë Botërore.
Ndërkohë, që ky lajm është konfirmuar edhe për ‘Fox News’ nga burime të saj.
Gazetarja Jennifer Griffin deklaroi se dy ish-zyrtarë konfirmuan se Trump përbuz veteranët dhe se ai nuk donte të shkonte për të nderuar amerikanët e rënë në varrezat e Aisne-Marne në Paris.
Trump e ka thënë këtë deklaratë gjatë një vizite në Francë, me rastin e një përkujtimore për të rënët e Luftës së Dytë Botërore.
Në mbrojtje të liderit amerikan ka dalë edhe bashkëshortja e tij, Melania Trump. Përmes një postimi në Twitter, Melania e hedh poshtë këtë shkrim duke thënë se “kjo nuk është gazetari por aktivizëm”.
“Historia e treguar nga ‘The Atlantic’ nuk është e vërtetë. Është e rrezikshme të besosh në burime anonime më shumë se gjithçka tjetër dhe pa ditur motivet e tyre. Kjo nuk është gazetari, kjo është aktivizëm. Dhe është një dëm i madh për njerëzit e këtij vendi”, shkruan ajo.
