Ursula von der Leyen është zgjedhur zyrtarisht Presidente e KE-së. Ajo do të zëvendësojë Juncker më 1 nëntor. PE zgjodhi me 383 vota pro presidenten e re të KE, ndërkohë vlen të theksohet fakti se 327 eurodeputetë votuan kundër.
Kujtojmë se Ursula von der Leyen është femra e parë që zgjidhet në këtë post. Për zgjedhjen e saj në krye të KE-së ka reaguar edhe ambasadori i BE-së në Tiranë Luigi Soreca. “Urime për presidenten e parë të BE-së, Ursula von der Leyen. Për mua, besimi i patundur qëndron te Evropa”, shkruan Soreca në rrjetet sociale.
