Kryetari i Partisë së Lirisë, Ilir Meta, ka shprehur hapur indinjatën lidhur me urdhrin e Prokurorisë për të ndaluar publikimin e të dhënave të botuara nga hakerat iranianë. Prokuroria vendosi ndalimin e publikimit në media të çdo të dhëne, e cila është botuar nga autorët e sulmit kibernetik. Në rast shkelje të këtij vendimi, do të nisë menjëherë hetimin në kuadër të procedimit penal. Meta shprehet se ky akt i Prokurorisë nën diktatin e kryeministrit, do të kontribuojë në përkeqësimin e pozitës së Shqipërisë në lidhje me lirinë e medias.
“Liria e mediave është vendimtare për të garantuar Transparencën dhe Llogaridhënien. Frikësimi i mediave dhe gazetarëve synon të mbrojë nga ndëshkueshmëria përgjegjësit e vërtetë të cënimit të sigurisë kombëtare. Korrupsioni galopant dhe kapja e shtetit kanë dëmtuar rëndë edhe sigurinë kombëtare. Akti i fundit i Prokurorisë nën diktatin e Kryeministrit fajtor veçse do të kontriubojë në përkeqësimin e pozitës të Shqipërisë lidhur me lirinë e medias”, shkruan Meta.
