Ish anëtari i Këshillit Kombëtar të PD, Edvin Kulluri, një zë mjaft kritik ndaj Bashës, ka ironizuar lidhur me atë që ndodhi dje në mbledhjen e ish-grupit parlamentar të PD-së.
Mjaft i drejtëpërdrejtë në qëndrimin e tij, ai i kërkon “llogari” kryedemokratit, se në çfarë gjendje e ka çuar PD-në. Në mbledhje, sipas raportit të zbardhur, disa prej ish-deputetëve demokrat, përmendën “armiqtë e brendshëm” në parti, apo “spiunët”, ndërsa pjesë e debatit të mbledhjes me dyer të mbyllura në PD, ishin dhe kritikët e Bashës.
Duke shfrytëzuar këtë situatë, Kulluri nuk kursehet me talljet, ku thotë se njërit i ka mbetur ora tek shoku Enver, e ndërsa të tjerë citojnë filozofë, duke dëshmuar në këtë formë se janë njerëz mjaft të informuar, dhe zor se u ikën situata nga duart.
Statusi
Ku e katandise partine! Dje ne mbledhje me ish deputetet(nuk e di kush se cfare forumi statutor perfaqesojne), ca flisnin per te thelluar luften kunder “armiqve te brendshem” qe qenkan “infiltruar” qe ne 2009, ndersa kryetari citon Hegelin, ose babain shpirteror te Marksit! Bir Selmani nenes, ke te qash me pare! Njerit i ka mbetur ora te shoku Enver, kurse te tjeret citojne filozofe nga muhabete kafenesh. Sic e ka thene vete shoku Ajnshtajn, “universi dhe budallalleku njerezor s’kane kufij”! Perpara me “revolucionin proletar” drejt fitores se 2020 ose 2021! Edhe po u shty per 2025 s’ka problem! Rendesi ka te fitoje revolucioni. Por meqe u mblodhen, a pyeti njeri c’u be me bllokimin e zgjedhjeve te 30 qershorit dhe “s’do kete zgjedhje me Edi Ramen”, apo u harruan prape fitoret?! Zoti na i shtofte!
