Diego Armando Maradona prej pak ditësh ka marrë drejtimin e një skuadre në Meksikë, Dorados. Ky pozicion i ri për “El Pibe de Oro” ka bërë shumë bujë, mediat kanë shkruar shumë për të por sa i gatshëm është ai që të japë kontribut në një skuadër futbolli. Duke pasur parasysh edhe skenat në Botëror, gazeta “Universal” ka sulmuar shumë ashpër legjendën argjentinase me anë të një artikulli.
“I droguari do të drejtojë në futbollin meksikan. Do t’i japin një të paafti 150 mijë dollarë në muaj dhe kjo është një mungesë respekti për trajnerët e tjerë. Maradona është i mirë për të shitur bileta te tifozët, por nuk ka as idenë më të vogël se si duhet të punojë. Është i sëmurë, i droguar dhe ka nevojë për ndihmë sepse përbën një shembull të keq. Gjatë botërorit në Rusi të gjithë e panë situatën në të cilën ndodhet.”- shkruhet në gazetën “Universal”.
