Unioni i Gazetarëve Shqiptarë ka përshëndetur vendimin e marrë nga ana e Kreut të Shtetit, Ilir Meta, për kthimin për rishqyrtim në Kuvend të paketës së ashtuquajtur “Anti-shpifje”.
Me anë të një postimi në Facebook, Unioni i Gazetarëve nënvizon ndër të tjera se vendimi në fjalë konfirmon drejtësinë e qëndrimit të organizatës në këtë kauzë në mbrojtje të lirisë së shprehjes.
Statusi
Presidenti i Republikës kthen draftin “Anti-shpifje”
Tiranë, 12 janar 2020
Unioni i Gazetarëve Shqiptarë përshëndet vendimin e Presidentit të Republikës Sh.T. Ilir Meta për kthimin për rishqyrtim në Kuvend të paketës së ashtuquajtur “Anti-shpifje”, e cila u refuzua gjatë nga UGSH, organizatat e tjera të gazetarëve brenda vendit, si dhe nga organizatat më prestigjioze ndërkombëtare.
Ky vendim konfirmon drejtësinë e qëndrimit të organizatës sonë në këtë kauzë në mbrojtje të lirisë së shprehjes.
Zyra e Shtypit
Unioni i Gazetarëve Shqiptarë.
