Këngëtari Mateus Frroku ka zbuluar se dikush i ka rrëmbyer zemrën, por nuk ka dhënë detaje se kush është ajo. Tek “E Diell”, ku gjatë intervistës foli edhe për partneren e tij, Mateusi tregoi se ajo është muzikante.
“Kënga që do këndoj tani thotë: ‘Të mora hopa sepse më pëlqeu era e trupit’ dhe meqenëse jemi në këtë këngë, po e këndoj për muzikanten time”, tregoi Mateus duke qeshur.
Ai nuk pranoi të fliste më shumë për të, por tha se ndihet mjaft mirë. “Unë nuk kam nuse, por dikë që më mban mirë. Nëse unë të them emrin, ti nuk do kesh më asnjë kuriozitet. Nuk di të them nëse është e Topit apo e një televizioni tjetër, por di të them që ndihem mirë dhe kaq”, u shpreh këngëtari.
I pyetur nga Ervin Kurti nëse mund të kemi ndonjë shtatzëni në të ardhmen, Matuesi u përgjigj: “Në djeninë time jo, por jam i bindur vetëm në një gjë. Marrëdhënie këto kohë kam kryer vetëm me personin e zemrës, kështu që edhe në qoftë se ndodh, le të vijë. Kështu që nuk ka asnjë problem”.
