Kohë më parë, balerinit të njohur Graciano Tagani i bën një kamer të fshehtë. Ai nuk e mirëpriti aspak mirë, pasi në thelb të bisedës ishte çështja e motrës së tij të vogël, ku pretendohej se ishte lidhur me dikë që kishte diferencë në moshë. Ishte gazetari Ronaldo Sharka, i cili provokoi Gracianon, duke i thënë se ai dhe motra e tij ishin në një lidhje dashurie. Madje Ronaldo ishte i gatshëm të fejohej dhe t’i bënin gjërat serioze. Kjo gjë e acaroi Gracianon, duke e goditur gazetarin.
Graciano u pyet nga gazetari në hapsirën e intervistave të emisionit “Mes Yjesh” në Ora NEWS, lidhur me përjetimin e kameras së fshehtë.
“Pasi ndodhi kamera, unë kam dashur nja 3 ditë të mira të mbledh veten. Nuk arrija t’a besoja akoma se si ma bëtë atë gjë! Megjithatë jam i lumtur nga ajo kamer, njerëzit njohën një anë tjetër timen. Kur shkoja në shpi, time motër e shihja gjithë kohës me dyshim”, u shpreh Graciano.
