Lufta Armeni-Azerbajxhan çdo ditë e më shumë po bëhet edhe më e ashpër, e duket se ndërmjetësimet nga jashtë ende nuk kanë dhënë një rezultat.
Aktualisht bilanci është negativ. Më shumë se 100 persona kanë vdekur që nga e diela kur nisën përplasjet më të egra dypalëshe prej dekadash të tëra.
Zyrtarisht pjesë e Azerbajxhanit, Nagorni-Karabaku drejtohet nga armenët etnikë. Armenia dhe Azerbajxhani, që të dyja dy ish republika Sovjetike bënë një luftë për këtë rajon në 1988-1994, e tani ekziston frika se në konflikt mund të tërhiqen edhe fuqitë ndërkombëtare, përfshirë dhe vetë Rusinë.
Sakaq, Rusia është ofruar të ndërmjetësojë bisedimet për t’i dhënë fund luftimeve mbi të ardhmen e Nagorni Karabakut. Ministri i jashtëm rus, Sergey Lavrov, ka kërkuar që ti jepet fund konfliktit. “Retorika e luftës duhet ndaluar”, u tha nga zyra e tij, e cila sqaroi se Lavrov kishte thirrur ministrat e jashtëm të të dy vendeve.
