Kohë më parë, moderatori Kelvi Kadilli bëri shumë bujë për faktin se ai deklaroi publikisht se kishte marrë vendimin për tu larguar nga emisioni “Pop Culture”. Mediat rozë u morën me të, e ndërsa tashmë ka ardhur koha që vetë ai të sqarojë përse e ndërmori këtë akt. I ftuar në “Why Not” të Roza Latit, Kelvi tregoi se iku me dëshirën e tij nga “Top Channel”, dhe askush nuk e pushoi nga puna. Ai tha se meritonte më shumë, ndaj zgjedhja për të ardhur në emisionin e mëngjesit në “Ora News” ishte idealja.
“Unë e kisha lajmëruar që në maj që do të ikja nga “Top Channel”, madje e kam thënë tek një emision tjetër që kam qenë i ftuar. Thashë që “Pop Culture” nuk do jetë më. Ky u bë si lajm, dhe njerëzit e dinin që do ikja nga “Top Channel”. S’e kuptoj pse u bë aq e madhe fakti që unë thjesht vendosa të iki në një moment. Askush nuk më pushoi nga puna. Ika me dëshirën time më të madhe.
Ika sepse unë mendoja që meritoja më shumë, mendoja që mund të bëj më shumë, doja një sfidë më të madhe për veten time. Këtë që po bëj tani. Ndër të tjera, uji kur rri shumë në një vend, për mos thënë qelbet, ndotet. Kështu që mu desh të lëvizja”, u shpreh Kelvi.
