Evenimenti i UFC Fight Night që u zhvillua në Hamburg të Gjermanisë ka prodhuar përballje spektakolare, ku në fund një legjendë është hedhur në tapet për 89 sekonda. Në Barclaycard Arena, të rrethuar nga 10 mijë tifozë është servirur menyja e përhershme e UFC, gjak, djersë dhe lot.
Ndeshja e fundit në kafaz ishte ajo mes Muricio Shogun Rua ndaj Anthony “Lionheart” Smith, dhe ajo zgjati vetëm 89 sekonda. Amerikani ka mposhtur me nokaut të hidhur pas një bërryli në fytyrë legjendën braziliane duke i dhënë mbylljen e përsosur mbrëmjes gjermane të UFC.
