Tifozët e Bayern Mynchen u bënë protagonistë në takimin kundër Anderlecht në fazën e grupeve të “Champions League” pasi hodhën euro në fushën e lojës në shenjë proteste ndaj çmimeve të biletave të vendosura nga klubi belg.
Ka ardhur edhe reagimi i UEFA-s e cila ka marrë një vendim që urdhëron ekipin e Anderlecht që të rimbusrojë një pjesë të çmimit të paguar nga tifozët gjermanë për të qenë prezent në ndeshjen e Championsit të 22 nëntorit të kaluar me Bajernin e Mynihut.
Klubi belg është i detyruar që brenda 15 ditëve ti kthejë çdo tifozi bavarez nga 30 euro, por duke llogaritur Anderlecht do të heqë nga arkat e tij plot 27 mijë euro.
Vendimi i Uefas vjen pasi Bayern Munich me iniciativën e tij dhe nga arkat e tij, kishte rimbursuar që më parë nga 30 euro për çdo tifoz, kështu nga çmimi fillestar i biletës që ishte 100 euro, tani ata që ndoqën ndeshjen në stadium do të ketë paguar vetëm 40 euro, duke qenë se marrin mbrapsht 60% të çmimit të paguar fillimisht për biletën.
