Ka mbërritur në Argjentinë trupi i të ndjerit Emiliano Sala, futbollistit 29-vjeçar që humbi jetën në fund të muajit janar pas një aksidenti ajror.
Trupi i tij ka qëndruar në një morg në Buenos Aires deri orët e para të mëngjesit dhe më pas, është vendosur në një palestër në veri të kryeqytetit argjentinas. Homazhet për të do të kryhen në qendrën stërvitore të San Martin, skuadra e parë në karrierë e Emiliano Salas. Shpenzimet për riatdhesimin e tij janë paguar nga presidenti i Cardiff-it.
Emiliano Sala humbi jetën më 21 janar, kur avioni që po e transportonte nga Nantes në Francë drejt Cardiff-it në Uells, ra në kanalin e La Manshit, pranë ishullit të Guernseit. Nga aksidenti humbi jetën edhe piloti, trupi i të cilit ende nuk është gjetur.
