Pak më herët u përfol për hapjen e transportit detar për pasagjerët drejt Italisë. Por Autoriteti Portual Durrës, tregon si është e vërteta.
Me anë të një postimi në faqen zyrtare në Facebook, Drejtoria e Përgjithshme Detare dhe Autoriteti Portual Durrës, kanë përgënjeshtruar lajmin se do të rikthehet trafiku i pasagjerëve me Italinë.
Në njoftimin zyrtarë thuhet se transporti detar për pasagjerët nga dhe drejt Italisë, mbetet ende i pezulluar deri në një urdhër të dytë të autoriteteve shqiptare dhe italiane.
Njoftimi
SQARIM!
Drejtoria e Përgjthshme Detare dhe Autoriteti Portual Durrës, sqarojnë se:
Lajmi i komunikuar ditën e sotme në mënyrë të njëanshme nga Kompania e trageteve “Ventouris Ferries” lidhur me rikthimin e trafikut të pasagjerëve me Italinë, NUK ËSHTË I VËRTETË!
Transporti detar për PASAGJERËT nga dhe drejt Italisë mbetet ende i pezulluar deri në një urdhër të dytë të Autoriteteve shqiptare dhe italiane! I kërkojmë kompanive private që operojnë në hapësirën portuale, sikundër dhe mediave, të mos shpërndajnë njoftime të paverifikuara në rrugë zyrtare, sidomos në situatën në të cilën ndodhemi!
Duke kërkuar mirëkuptimin e qytetarëve për këtë situatë!
