SHBA duhet të vazhdojë të mbështesë anëtarësimin e Serbisë në Bashkimin Evropian, por edhe qëndrimin e BE-së që anëtarët e rinj duhet të përshtaten me politikat e Unionit ndaj Rusisë dhe që Serbia të mos bashkohet derisa ta pranojë Kosovën, thuhet në raportin e Institutit Lindje-Perëndim të SHBA-së dhe Komitetit Kombëtar amerikan për Politikë të Jashtme.
Në raportin “Është koha për veprim në Ballkanin Perëndimor”, analizohet, siç shpjegohet, nevoja për një veprim të menjëhershëm të SHBA-së dhe BE-së për të zgjidhur çështjet dhe për të parandaluar një konflikt të mundshëm në Ballkanin Perëndimor.
