Ditët e fundit, falë një aksioni në mbarë vendin janë sekuestruar një sërë ushqimesh, të cilat tregtoheshin, ndonëse u kishte kaluar data e skadencës. Ato ofroheshin edhe në restorante, e ndërsa biznesmenët nuk shqetësoheshin për datën e skadencës, duke vënë në rrezik jetën e qytetarëve.
Një vemendje e shtuar ka qënë edhe ndaj vajit të ullirit, ku janë vënë re shkelje në katër subjekte.
Sipas AKU, tregtohej “vaj ulliri” i falsifikuar.
“Këto supermarkete/markete furnizoheshin nga subjektet:
– “Saranda Al” me Nipt L21303004C me adresë Tiranë, furnizimi i lot-it me datë skadence 31.12.2019
– “Jolant Shpk” me Nipt L52318026U me adresë Tiranë , furnizimi i lot-it me datë skadence 20.2.2020
– “Leart Iljazi” (Qeparo) me Nipt L66906501J me adresë Vlorë , furnizimi i lot-it me datë prodhimi 01.05.2018
– “O & B/ Ylli Saraci” me Nipt K81318012E me adresë Tiranë, furnizimi i lot-it me datë skadence 7.3.2020
Konkretisht, produkti me emërtim “vaj i ullirit” i lot-eve të sipërpërmendur, i prodhuar e tregëtuar nga këto subjekte, rezultoi se nuk përputhen karakteristikat e vajit të ullirit, siç është emërtuar në etiketë, pra në secilin rast produkti ka qenë i manipuluar, duke shtuar edhe përbërës të tjerë.
Mbi bazë të kësaj gjetje dhe mungesë të sistemit të gjurmueshmërisë, ndaj subjekteve u mor masa administrative gjobë, 400 000 lekë si dhe bllokimin e sasisë së vajit në objekt (pra lot-eve të tjerë), me qëllim kryerjen e ekzaminimeve laboratorike.
Theksojmë se për shkak të mungesës së gjurmueshmërisë, nuk është bërë ende e mundur identifikimi i marketeve dhe njësive të tregëtimit apo shërbimit, të cilat këto subjekte i ka furnizuar me këto lot-eve, produkti i falsifikuar. Secili subjekt nuk qe në gjendje të përmbushë në afat të arsyeshëm detyrimin e venë nga AKU, për të tërhequr produktin sipas këtyre lot-eve nga tregu, si dhe për të njoftuar konsumatorët.
Secili prej rasteve është në proçes investigimi të mëtejshëm, në funksion të vlerësimit të materialit, edhe për kallëzim penal për veprat penale të “mashtrimit” dhe “prodhimit të kundërligjshëm të mallrave ushqimorë”, përfundon deklarata për media.
