Valentin Çarkaj është gjetur mesditën e sotme i pajetë, ndërsa kanë qenë vetë familjarët ata që e kanë identifikuar të miturin, i cili dyshohet se është mbytur në lumin Kir, të fshatit Hot në Shkodër.
14-vjeçari kishte humbur prej 4 ditësh, ndërsa dje rasti u publikua edhe nga mediet, të cilave u kërkuan ndihmë familjarët për gjetjen e tij.
I mituri kishte shkuar të lahej me një shok në lumë në Hot, por ai nuk është kthyer më në shtëpi, ndërsa shoku me të cilin ishte larguar ka thënë se nuk kishte dijeni se ku ndodhej Çarkaj.
