Një person është gjetur i vrarë me armë zjarri në orët e vona të mbrëmjes së djeshme, në zonën e Livadheve në Shkodër. Viktima, identifikuar nga ana e policisë është Endri Mustafa, një person me precedent të mëparshëm penal. Ende nuk dihen rrethanat e ngjarjes së rëndë, ndërsa shtetasi Endri Mustafa ka gjetur vdekjen për shkak të plagëve të marra nga arma e zjarrit. 32-vjeçari ishte denoncuar prej 3 ditësh nga familjarët si i zhdukur.
I ndjeri është një emër i njohur në qytetin e Shkodrës. Mustafa është arrestuar në vitin 2016 për grabitje e arsenal armësh së bashku me vëllezërit e njohur Bilali, Astrit dhe Brahim Bilali, si dhe Ardit dhe Bekim Torishtën.
Nga ana tjetër, emri i tij del në pistë edhe në vitin 2020 gjatë operacionit të koduar ‘’Maranaj’’ sërish për fajde, ku ai u shpall në kërkim policor.
