Arti shqiptar dje humbi një nga parodistët e Vlorës, ku po kurohej pas problemeve me zemrën. Muhamet Lika u nda nga jeta në moshën 64-vjeçare, pas një ataku kardiak. Ndarja e tij nga jeta e ka hidhëruar pa masë aktorin e njohur Agron Llakaj, i cili ka humbur njërin nga kolegët më të mirë.
Aktori i humorit Agron Llakaj, në një pronocim për “Panoramën”, tha se është tronditur nga mediat të cilat u përqendruan me tepër tek aktualiteti politik, sesa te humbja e një artisti.
“Nuk mendoja kurrsesi se do të vinte një ditë të flisja për Metin në këto rrethana. Jeta e tillë është, por përtej të gjithave u trondita edhe nga reagimi i ekraneve.
Unë mendoja se vdekja e tij është më shumë ngjarje se takimi i Bashës në Kurbin dhe i Ramës në ndonjë prezantim kandidati. Këtë e quaj mungesë respekti dhe s’di ç’emër t’i vendos. Meti ishte dhe do mbetet etalon në llojin e vet, dhe i papërsëritshëm”, ka thënë ai.
