Një grup shqiptarësh të martën kanë fyer dhe kërcënuar fëmijët serbë në një shesh lojërash në Suvi Do, pranë qytetit të Lipjanit, shkruan media serbe b92.net.
Shqiptarët “u treguan fëmijëve gishtin e mesëm dhe shqiptuan sharje në gjuhën shqipe dhe angleze”, duke u thënë gjithashtu atyre se “nuk kishte vend për ta në Kosovë, se është territor shqiptar”.
Shqiptarët pastaj kishin shkelmuar dhe prishur dy dyer në ndërtesën e shkollës. Fëmijët kishin thirrur prindërit e tyre, të cilët e raportuan incidentin tek policia e Kosovës.
Shqiptarët u larguan nga skena në një makinë të zezë.
Fëmijët ishin 10-vjeçarë të cilët ishin “dukshëm të shqetësuar”, tha drejtori i shkollës, Bratislav Djedovic, pas incidentit.
Shërbimi informativ i komunës së Graçanicës tha se policia menjëherë ka identifikuar dhe arrestuar 4 shqiptarët të moshës 20 vjeçare.
Megjithatë, policia e Kosovës lëshoi një deklaratë dhe tha se incidenti nuk kishte një sfond “ndër-etnik”. Çdo veprim i tillë është kriminel, pavarësisht se kush e kryen atë, ka thënë më tej në deklaratë.
Ky ishte incidenti i dytë i ngjashëm në një javë , pasi një tjetër ngjarje ku protagonistë ishin një grup shqiptarësh, ka ndodhur në shesh lojërash fshati në Staro Gracko, ku po luanin fëmijë serbë.
Një numër incidentesh, në disa raste që kanë rezultuar me plagosje, kanë ndodhur kohët e fundit në Kosovë dhe Metohi, kur shqiptarët sulmojnë serbët, duke përfshirë fëmijët.
Të martën, qeveria e Kosovës shprehu shqetësimin e saj dhe dënoi atë që ata e quanin “incidente ndëretnike”. TIRANA TODAY
