Një nga autorët e dyshuar për atentatin ndaj prokurorit Arjan Ndoja, Redjan Rraja pritet të dalë ditën sotme para trupit gjykues, për t’u njohur me masën e sigurisë.
34-vjeçari akuzohet për kryerjen e 3 veprave penale: “Vrasje të funksionarëve publik”, “Vrasje e mbetur në tentativë” dhe “Armëmbajtje pa leje”.
Ai u identifikua nga gjurmët e ADN-së të mbetura në makinën e dyshuar të autorëve. Ndërkohë, gjatë deklaratës në polici, ai nuk ka pranuar përfshirjen e tij në ngjarjen e ndodhur pak ditë më parë.
Kujtojmë se si pasojë e atentatit mbetën të plagosur prokurori, shoferi i tij Andi Maloku dhe Aleksandër Laho, i njohur me emrin “Rrumi”. Ky i fundit është i njohur për policinë, pasi rezulton si person me precedentë penal.
