Tashmë kanë dalë rezultatet e analizave për 50-vjeçaren, e cila ndërroi jetë mbrëmjen e djeshme në Korçë. Në media u përfol se 50-vjeçarja dyshohej se ishte infektuar me koronavirus, pasi kishte probleme me frymëmarrjen. E ndjera ka rezultuar negative për koronavirusin. Vdekja është shkaktuar nga komplikacionet e gripit.
Nga punonjës të brendshëm konfirmohet se rrobat e të ndjerës janë çuar në lavanderinë e Spitalit të Korçës, ndryshe nga ç’ka parashikohet në rast infektimi me virusin vdekjeprurës.
Gruaja vuante prej kohësh nga diabeti, por vetëm ditën e djeshme ka shfaqur probleme me frymëmarrjen, dhe ka ndërruar jetë.
Analizat e gruas janë kryer në Institutin e Shëndetit Publik, ndërsa mësohet se gruaja nuk kishte kontakte me persona nga vendet e tjera, që mund te ishte prekur nga koronavirusi.
