Doris Pack ka akuzuar kryeministrin Rama për gjuhën që ai përdor në rrjetet sociale kundër grave. Në një postim në Twitter, politikania e njohur evropiane Doris Pack shkruan se Rama, duke sulmuar gratë politikane të opozitës, po nxit dhunën ndaj grave në një vend si Shqipëria ku ato kërcënohen çdo ditë.
Ky reagim i Pack vjen pas sulmit të Ramës ndaj Vokshit, një foto të së cilës e shpërfytyroi.
‘Komentet në rrjetet sociale të Kryeministri të Shqipërisë Rama nëpërmjet të cilave sulmon gratë politikane, nuk janë vetëm degraduese të dëmshme dhe fyerje vetëm për ato, por nxisin dhunën kundër grave në një vend ku të drejtat e tyre, kërcënohen dhe shkelen çdo ditë!’, shkruan Doris Pack.
Comments on social networks of #ALBANIAs Premier #Rama offending women politicians, are not only degrading injurious and offending women, but incite violence against women in a country where women’s rights are threatened and violated every day!
— Doris Pack (@pack_doris) February 8, 2019
Një ditë më parë, kryeministri Edi Rama iu kundërpërgjigj deputeteve të opozitës Albana Vokshi dhe Klajda Gjosha për çështjen e skandalit në Kavajë, duke lëshuar një lumë fyerjesh ndaj tyre.
‘Po tani çfarë keni që lehni apo jua kemi fajin ne pse njerëzit besojnë tek ne e jo tek ju,hiena të politikës e të medias? Po mos të ishin vrasësit, përdhunuesit, grabitësit, krimet e fatkeqësitë, ju s’do ekzistonit,se s’keni hiç tjetër për t’u dhënë njerëzve veç helmit e vreri’, shkruante Rama në Twitter.
