Ish-kryeministri, Sali Berisha, ka folur mbrëmjen e sotme në “Opinion” në lidhje me raportin e OSBE-ODIHR-it. Për ish-kryeministrin, raporti është i pastër si kristali, ndërsa kërkoi nga shqiptarët që t’i dalin për Zot vetes. Për të, ka ardhur koha për një kryengritje të fortë popullore, e cila duhet të jetë paqësore. Duket qëndruar në të njëjtën linjë, Berisha shtoi më tej se në vend nuk u mbajtën zgjedhjet. Dy janë alternativat, zgjedhje burokratike që mbahen në diktaturë dhe zgjedhje demokratike që mbahen në vende të lira.
“Qytetarët shqiptarë kanë një dokument si kristal. Kanë një raport me 150 paragrafe dhe me 106 fusnota, që tregon se procesi zgjedhor ka marrë fund. Tani u takon shqiptarëve që ti dalin për Zot. Dhe këto nuk janë fjalët e opozitës, por janë fjalët e ndërkombëtarëve.
U takon atyre tani me kryengritje të fuqishme paqësore, të përmbysin këtë regjim. Të kapitalizojnë, të jetësojnë, tu japin shqiptarëve të zgjedhin të lirë. Zgjedhjet nuk u bënë dhe këtu ka një parim universal për vendet e lira. Ka dy lloje zgjedhjesh. Zgjedhje burokratike që mbahen në diktaturë dhe zgjedhje demokratike që mbahen në vende të lira. Kushtet themelore për zgjedhje demokratike është alternativa”, u shpreh Berisha.
