Gjatë mesditës ka mbërritur në Rinas aeroplani me 4 fëmijët dhe gruaja e nxjerrë nga kampi Al-Hol në Siri. Nga kampi u nxor Floresha Rasha me fëmijët e saj Amar, Emel e Hatixhe dhe Endri Dumani. Në avion ka qenë edhe kryeministri Edi Rama, i cili mbërriti dje në Liban, ku u takua me fëmijët dhe gruan që u nxorën nga kampi.
Kryeministri Rama, në një deklaratë për mediat tha se ky ishte një proces i ndërlikuar.
“Më vjen mirë që kemi mbyllur fazën e parë të një operacioni të ngatërruar, por të suksesshëm.
Por ajo që është më e rëndësishme, është që kemi bazën për të vazhduar me fazën e dytë. Fëmijët e tjerë janë identifikuar, janë bërë një pjesë e mirë e kontakteve dhe intervistave. Herët ose vonë do të kthejmë edhe pjesën tjetër këtu në Shqipëri”, tha Rama.
