Ish-kryeministri Sali Berisha, do të padisë për shpifje sektetarin amerikan të shtetit, Anthony Blinken, pasi vendimit të tij për ta shpallurr ”non grata” atë së bashku me familjen.
Gjatë një konference për shtyp, Berisha e cilësoi vendimin e djeshëm, si të pazakontë dhe të gënjeshtërt. Berisha u shpreh se gjatë 30 viteve të tij në politikë, nuk ka qenë i përfshirë në asnjë aferë korruptive.
Ndër të tjera, ish-kreu i qeverisë bëri me dije se avokati që do të merret me çështjen e tij do të jetë nga Franca, dhe padia ndaj Blinken do të bëhet nga Gjykata Konveksionale e Parisit.
Sali Berisha: ”Jam këtu për t’iu informuar për një vendim të pazakontë. Për arsye të cilat janë të panjohur apër mua, sekretari Blinken, ka publikuar dje pa asnjë paralajmërim, vlerësime të gënjeshtërta për mua. Që kur kam filluar jetën time politike, po të shkoni më tutje, që kur kam marrë rrogën e parë në shtet, dhe deri më sot, nuk ka njeri në botë që mund të thotë se jam i implikuar në një aferë korruptive. Kam udhëzuar avokatin tim në një vend neutral, si Framca që të ngrejë padi ndaj sekretarit Blinken për shpifje publike. Blinken mundet të pretendoje se sipas rregullave, ai përfiton imunitet. Kjo është gënjeshtër. Imuniteti vlerësohet nga gjykata në mënyrë relative. Do të paditet nga Gjykata Konveksionale e Parisit.”
