Një 55-vjeçar nga Vlora, i cili kishte 3 ditë që ishte shpallur i zhdukur është gjetur pasditen e sotme i pajetë.
Arjan Berberi u gjet pasditen e sotme nga një bari i zonës, i varur në degën e një ulliri. Bariu ka njoftuar policinë, ndërsa më pas ishin familjarët ata që verifikuan se viktima ishte personi i zhdukur.
55-vjeçari u largua nga shtëpia e tij në lagjen “Pavarësia” të Vlorës që me datë 4 shkurt. Bëhet me dije se viktima vuante nga çrregullime mendore pas divorcit dhe kthimit nga Italia që në vitin 2001.
Njoftimi i policisë:
Në fshatin Xhyerinë, Vlorë, pranë ish-repartit ushtarak, dyshohet se është vetëvarur shtetasi A.B., 54 vjeç, banues në Vlorë.
Nga hetimet paraprake si dhe nga deklarimet e të afërmve, dyshohet se ky shtetas kishte probleme të shëndetit mendor.
Grupi hetimor po punon për sqarimin e rrethanave të ngjarjes.
