Një 39-vjeçar, i shoqëruar nga policia në kuadër të hetimeve për ekzekutimin e Everest Çakës në Elbasan, ka mundur që të arratiset nga ambientet e komisariatit.
Mirjan Dedja (Asllani), është një person me precedentë penale, dhe për arratisjen e tij, janë vënë në hetim 4 punonjës policie të cilët ishin përgjegjës sigurie për personat e shoqëruar ku ai bënte pjesë me disa të tjerë.
Mësohet se Dedja i ka thënë policëve se i ishin shtrënguar duart dhe ka përfituar nga pakujdesia, duke u larguar nga dhomat e shoqërimit.
Ai është përpjekur që të arratiset edhe të mërkurën e 12 majit, por mundi t’ia dilte mëngjesin e djeshëm rreth orës 06:00, por vetëm sot u bë publike. Tashmë, ndaj tij do të rëndojë edhe akuza për arratisje.
Policia postoblloqe në Elbasan
Frika se vrasja e fundit në Elbasan e Everest Çakës mund të ketë vijime të tjera ka shtyrë policinëa të ngrejë postoblloqe dhe të forcojë kontrollet në vendet e dyshuara. Dy postblloqe të armatosura janë janë parë pasditen e së premtes në afërsi të vendit ku u ekzekutua Çaka mbrëmjen e 11 majit. Ai u vra me 12 plumba nga një armë tip pistoletë me silenciator në një pritë mafioze në lagjen “Skënderbej’ të Elbasanit, ndërkohë që e shoqja, Silvana Çaka, mbeti e plagosur në dorë.
Pista e parë e hetimit
Dyshimet e para para hetimore flasin se, Çaka mund të jetë ekzekutuar pasi kishte marrë drejtimin e pazareve të drogës në Evropë pas vrasjes mafioze të Arjan Spahiut në nëntor 2020 në Molebeg. Kjo është edhe pista kryesore në të cilën është fokusuar grupi hetimor i ngritur pas vrasjes. Sipas burimeve pranë grupit hetimor urdhrin për ekzekutimin e 41-vjeçarit është dhënë nga jashtë Shqipërisë.
Pista e dytë e hetimit
Grupi hetimore në bashkëpunim të ngushte me prokurorinë e Elbasanit kanë dhe një pistë të dytë, atë të hakmarrjes për shkak të hasmërive që viktima kishte, pasi 11 vite më parë ju ekzekutua i vëllai në Barcelonë. Vrasje në të cilën kanë qenë autorë të dyshuar Florenc Alikaj dhe Zenel Mahmuti. Pas kësaj vrasje katër viktima do të regjistroheshin në Elbasan, të cilët ishin të afërm të dy personave që dyshohet të kishin marrë pjesë në ekzekutimin e të vëllait të Everest Çakës në Barcelonë vite me parë,respektivisht Florenc Alikaj (i vrarë pas të vëllait të tij në Elbasan, Gëzim Alikaj) i njohur me pseudonimin “Lenc Kokëmadhi” si dhe Zenel Mahmutaj një person shumë i rrezikshëm sipas të dhënave policore, i dyshuar për më shume se dhjetë vrasje brenda dhe jashtë vendit dhe sipas informacioneve në rruge operative aktualisht ndodhet ne Brazil.
Dyshime të tjera
Viktima Everest Çaka, ka qenë i dyshuar edhe për një ngjarje tjetër të rëndë, e ndodhur në mars të vitit 2011, ku në lagjen “Syrja Dylgjeri” janë qëlluar me nga një plumb në kokë teksa flinin në një dhomë, dy vëllezërit Xhelal dhe Pellumb Mahmuti, si dhe babai i tyre, Emin Mahmuti, ndërsa e plagosur mbeti dhe një grua e cila luajti rolin sikur ishte e vdekur për t’i shpëtuar plumbave./Tirana Today
