Kryeministri Rama ka garantuar qytetarët se sistemi TIMS është rikthyer, ndryshe nga çfarë është raportuar më herët në media. Rama thotë se qeveria nuk po gënjen në këtë mes, ndërsa e cilëson këtë lajm si një festë tallavaje, për disa portale që s’duan t’ia dinë për infomimin e publikut.
“Kjo s’është “Festë për kriminelët” po një festë tallavaje për ekrane e portale që s’duan t’ia dinë për publikun që i sheh e lexon, se për më shumë si psh për dinjitetin kombëtar është edhe gjynah t’iu kërkosh! Jo që s’po gënjen qeveria, po vetëm qeveria s’po gënjen në këtë mexhelis!”, shkruan Rama në Twitter.
Kjo s’është “Festë për kriminelët”po një festë tallavaje për ekrane e portale që s’duan t’ia dinë për publikun që i sheh e lexon, se për më shumë si psh për dinjitetin kombëtar është edhe gjynah t’iu kërkosh!Jo që s’po gënjen qeveria,po vetëm qeveria s’po gënjen në këtë mexhelis! pic.twitter.com/9kujjNDwTe
— Edi Rama (@ediramaal) September 12, 2022
Qeveria shprehet se Irani ka sulmuar sistemin TIMS, ndërkohë një faqe në internet ka nxjerrë në shitje të dhënat e serverëve që ata disponojnë. Nuk dihet ende nëse kjo faqe i përket hakerave iranianë.
