E diel, 28 Nëntor, 2021
13.5 C
Tirana

U përurua në maj, Spitali Memorial i Fierit ka mungesë ilaçesh

Spitali Rajonal Memorial i Fierit hapi dyert për qytetarët në muajin maj të vitit 2021. Tashmë jemi në muajin tetor, dhe një qytetar nga Fieri denoncon në emisionin “Stop” se në këtë spital nuk ka ilaçe.

Idajete Kajolli tregon se bashkëshorti i saj ka tumor në bark dhe me rekomandim të mjekut të familjes dhe specialistit në Fier, duhet të bënte rezonancë me kontrast. Që prej datës 31 Gusht deri sot, në këtë spital mungon ilaçi dhe i është thënë që ta gjej vetë në treg.

Jam Idajete Kajolli nga fshati Dërmenas në Fier. Kam burrin me tumor në bark dhe i duhej një rezonancë patjetër për të parë sëmundjen. Më ka dhënë rekomandim mjeku i familjes për të bërë këtë rezonancë. Më tha që të vija në Spitalin Memorial në Fier. Erdha në 31 Gusht më thanë ka urgjenca dhe më thanë që të vija në ditë më vonë. Erdha ditën tjetër dhe më thanë që nuk ka ilaç. Kam kontaktuar disa herë dhe më kanë thënë që nuk ka ilaçe. Nga spitali më është dhënë dhe emri i ilaçit dhe më kërkuan që ta blija vetë”, shprehet denoncuesja.

Zonja Kajolli me anë të një kamerë të fshehtë në bashkëpunim me “Stop” shtoi sërish në spital dhe sërish iu tha që ilaç nuk kishte.

Denoncuesja: Po mirë, ku të vete unë?

Punonjësja: Po ti merr kontrastin dhe ta bëjmë ne!

Denoncuesja: Po ku t’i gjej?! Ai 100 mijë Lekë merr të gjitha.

Punonjësja: Ne ju kemi mbajtur emër, mbiemër, numër telefoni dhe sapo të vijë kontrasti, ju marrim në telefon.

Denoncuesja: Po ai ka kriza, ku ta çoj?

Punonjësja: Nuk ka kontrast. Po nuk jemi vetëm ne. Në rregull?

Më pas drejtuesit e spitalit të Fierit, i dhanë një tjetër zgjidhje, duke i vënë në dispozicion një autoambulancë, për të çuar pacientin për rezonancë në Vlorë. Idajete Kajolli tregon për “Stop” se bashkëshorti i saj është dërguar në Vlorë dhe e ka kryer rezonancën në spitalin e këtij qyteti, por kjo gjë ka ndodhur pas ndërhyrjes së emisionit “Stop”.

Të hënën që erdhët ju, mua më thirrën të martën në orën 1:30 të drekës. Dhe shkova të nesërmen, në orën 8 më kanë futur brenda direkt. Po e bëri atë ditë. Faleminderit shumë prej juve! Kjo ishte ndihma, që më dhatë juve, se unë s’do kisha gjetur zgjidhje tjetër. Ju uroj suksese dhe juve në punët e tjera, që vijnë përpara”, tregon bashkëshortja e pacientit./tvklan.al

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...