Deputeti Myslim Murrizi, i cili u përjashtua nga Partia Demokratike pasi nuk pranoi që të digjte mandatin ka hedhur akuza të forta mbi deputetët në Kuvend. I ftuar në “Arena” ai është shprehur se ka deputetë që vjedhin me firma, duke shtuar se në karrierën e tij nuk ka bërë pjesë tek asnjë lloj skifterësh.
“Desha të sqaron shqiptarët për skifterët. Ishin 19 skifterë në Kuvend që ligji i dekriminalizimit i nxori jashtë Parlamentit. Janë edhe disa skifterë të tjerë në Parlament që nuk vjedhin batanije por vjedhin me firmë. Janë skifterë me kollare. Myslim Murrizi nuk bën pjesë tek asnjë lloj skifterësh, por nuk jam dele”, u shpreh Murrizi.
