Deputeti i opozitës së re, Ralg Gjoni ka reaguar pas vendimit të Byrosë së Kuvendit për përjashtimin e tij për 10 ditë nga seancat plenare.
Në një prononcim për mediat, Gjoni tha se nuk do të mbyllë asnjëherë gojën përpara padrejtësive dhe korrupsionit.
Ai ka shpërthyer në akuza ndaj mazhorancës, ndërsa paralajmëron se po përgatitet një “plan ogurzi” për të anashkaluar komisionin e reformës zgjedhore.
“Doja të shtjelloja çështjen që më ishte ngritur dhe nga shoqëria civile. Siç është dhe qendra Republica, e cila ka kërkuar informacion për shembjen e teatrit. Komisioneri ka vendosur që mos të ushtrojë detyrën siç duhet. Unë nuk do e mbyll gojën. Nuk do rresht së bërtituri në atë parlament. Shumë krime dhe korrupsione fshihen nën hijen e kësaj që ndodh. Unë kam dyshime se po përgatitet një plan ogurzi, për të kaluar një draft, një palo draft, për të anashkaluar komisionin e reformës zgjedhore. Plani është që të kalohet shumë shpejt, bashkë me opozitën rrugore”, tha ai.
Nxori lëpirëse në Kuvend, përjashtohet me 10 ditë deputeti i opozitës së re
