Eduart Grishaj, regjisori i emisionit “Dua të të bëj të lumtur”, tërhoqi vëmendjen e mediave muajin e kaluar, pasi u përfol se mund të jetë në një lidhje me moderatoren Arbana Osmanin.
Atij iu besua që të kujdesej edhe për klipin më të ri të Xhensila Myrtezaj dhe Pirro Çakos. Klipi i saj është xhiruar në Venecia, në atmosferën e maskave.
Menjëherë pas publikimit të këngës ‘Sekreti im’, Grishaj e publikoi në rrjetin e tij social me mbishkrimin: “Sekreti im’ video e re. I lumtur që kam sjellë ashtu siç e kisha imagjinuar këtë këngë që kur e kam dëgjuar për herë të parë. Xhensila Myrtezaj ti ke jo vetëm një zë të mrekullueshëm, por zbulova tek ti dhe një talent të lindur si aktore. Pirro Çako të punoja me ty ishte një kënaqësi, për atë që ti përfaqëson si njeri dhe si artist”, shkruan Grishaj.
Ndërkohë, vjen dhe urimi i Arbana Osmanit ndaj regjisorit, duke e përgëzuar për punën e tij: “Talenti është dhuratë nga Zoti. Krenare për ty Eduart Grishaj”, shkruan moderatorja.
Deri më tani, ata ka vendosur të mos reagojnë me pretendimet në media lidhur me historinë e tyre të dashurisë. Ndërkohë, njohja mes regjisorit dhe moderatores dyshohet të ketë nisur nga ambientet e televizionit ku ata punojnë.
