Mjeku Anibal Byberi nuk ia ka dalë dot mbanë me COVID-19. Mjeku ishte i shtruar në spitalin “Shefqet Ndroqi”, por për fat të keq e ka mposhtur virusi.
Ai u paraqit tek ish-Sanatoriumi në gjendje të rëndë shëndetësore, por ndërroi jetë mbrëmjen e djeshme.
Byberi ka qenë mjek në Tropojë, ku ka mbajtur dhe postin e drejtorit të spitalit të Tropojës, duke iu shërbyer qindra qytetarëve.
Nuk dihet ende se prej sa ditësh mjeku ishte i prekur nga koronavirusi, dhe se pse shtrimi i tij në spital ka ardhur vetëm dje, kur gjendja ishte përkeqësuar ndjeshëm.
